എലിയുടെ വീട്ടിൽ പണ്ടു പൂച്ച വിരുന്നിനു പോയി തിരികെ പോരും നേരം എലിയേം തൂക്കി പോന്നു. കാറ്റ്,മഴ,കുയിൽ,കാക്ക,മഴവില്ലു,പപ്പടം തുടങ്ങി നമ്മുടെ കൊച്ചു ജീവിതച്ചര്യകൾക്കിടയിൽ തൊട്ടും കണ്ടും മിണ്ടിയും നന്നേ പരിചയപ്പെടുന്ന പ്രകൃതി ബിംബങ്ങളെയാണ് ഈ ബാല്യോദ്യാനത്തിൽ കവി അണിനിരത്തുന്നത്. ഭാവനയ്ക്കും ബുദ്ധിക്കും ചെറു വ്യായാമം ശീലിപ്പിക്കുന്ന നല്ല കളിപ്പാട്ടങ്ങൾ നിരത്തുന്ന മാതൃക നേഴ്സറി തന്നെയാണ് 101 നേഴ്സറിപ്പാട്ടുകളിൽ ചെന്താപ്പൂര് തൂക്കിയിട്ടുള്ളത്‌

1988 മുതൽ നാളെ ബുക്സ് എന്ന പുസ്തക പ്രസാധക സംഘവുമായി പ്രവർത്തനം.സ്വന്തമായി പതിനെട്ടുപുസ്തകങ്ങൾ.പൂമൊട്ടു(ബാലസാഹിത്യം),ഡിണ്ടം ഡിണ്ടം(ബാലസാഹിത്യം),മണിക്കവിതകൾ,മണിമുഴക്കം(കവിതകൾ),പ്രശാന്തനും പിന്നെ അനന്തനും(ലഘുനോവലുകൾ),മാളു അമ്മൂമ്മയും പൂച്ചക്കുട്ടിയും(ബാലകഥകൾ)....... 1995 മുതൽ പ്രസിദ്ധീകരിച്ചുവരുന്ന ഗ്രാമം മാസികയുടെ പത്രാധിപർ.ആകാശവാണിയുടെ രചനകൾ പ്രക്ഷേപണം ചെയ്യുന്നു .